ഒരു സാധാരണ തൊഴിലുറപ്പ് തൊഴിലാളിയുടെ അസാധാരണമായ സത്യസന്ധതയ്ക്ക് മുന്നിൽ കൈയടിക്കുകയാണ് മലപ്പുറം മൊറയൂർ ഗ്രാമം. മൊറയൂർ പഞ്ചായത്ത് 11–ാം വാർഡ് പൂതനപ്പറമ്പിലെ കല്യാണി എന്ന തൊഴിലാളിയുടെ നന്മയിലാണ്, ഒരു കുടുംബത്തിന് 5 വർഷം മുൻപ് നഷ്ടപ്പെട്ടുപോയ സ്വർണാഭരണം സുരക്ഷിതമായി തിരികെ ലഭിച്ചത്.
കഴിഞ്ഞദിവസം പ്രദേശത്ത് തൊഴിലുറപ്പ് ജോലികളിൽ ഏർപ്പെട്ടിരിക്കെയാണ് കല്യാണിക്ക് മണ്ണിൽ നിന്നും അരപ്പവന്റെ കൈചെയിൻ ലഭിക്കുന്നത്. ഒട്ടും വൈകാതെ തന്നെ അവർ ഈ വിവരം തങ്ങളുടെ മേൽനോട്ടക്കാരായ ഉദ്യോഗസ്ഥരെയും വാർഡ് മെമ്പറെയും അറിയിച്ചു. സ്വർണം കിട്ടിയ വിവരം നാട്ടിൽ പാട്ടായെങ്കിലും, അത് എന്ത് ആഭരണമാണെന്ന കാര്യം അധികൃതർ രഹസ്യമാക്കി വെച്ചു.
തോട്ടിൽ കുളിക്കുന്നതിനിടെ തങ്ങളുടെ കമ്മൽ നഷ്ടപ്പെട്ടിട്ടുണ്ടെന്ന് കാണിച്ച് ചിലർ ആദ്യം രംഗത്തെത്തിയിരുന്നു. എന്നാൽ ആഭരണം കൃത്യമായി തിരിച്ചറിയാൻ അവർക്ക് സാധിച്ചില്ല.
